Sootska - Paul Hagu

Sõnolinõ - Olga Tiik Meremäelt
Vägümiis - Karli Krillo
Sõirameistri - Elfira Labe
Ollõmeistri - Emmi Sõrmus
Veinimeistri - Ilmar Vananurm Põlvast
Hansjaajaja - Aavo Sarapuu
Vüükudaja - Maria Saaremaa Meremäelt

Maria Raudla
Ain Sarvõ pilt

1. Olga Tiik Meremäelt Hõpõhelme'

Olõ-õs kuna meil kuningita,
olõ-õs suuri sultanit.
Tuu õks moodu oll mustõhaava,
nuu' kombõ' kolmahaava:
Rootsi kuningas oll mi kotoh,
Vinne keisri keset küllä,
Rootsi kuningat sis kullõldi,
Vinne keisri käsku täüdeti.
Ao' õks lätsi', tõõsõ' tulli',
kolmanda' sai' kottalõ.
Tulli sis illos Eesti aigu,
oi neid päivi Pätsi aost:
ehtsähe eleti ja
uhkõhõ olõti!
Võõra' riigi' naksi' võhlitsõmma,
naabririik kai kadõhõhõ -
meid ka-ks hiile Hitler ja
murdsõ mano tuu Molotov.
Suust suuhu nää' sossutõlli',
kõrvast kõrva kõnõli' -
salasossin nii suurõst läts,
õt sõda nakas sõudõma.
Ameerika sis vahelõ astõ,
S´aksal lasõ-õs võita Vinnemaad.
S´aksamaa sis katõst jaotõdi,
venelasõ' ka Eesti veeti,
sisse panti' sõabaasi',
uma rahvas ar küüditõdi.
Ao' õks lätsi', tõõsõ' jal tulli',
Taalin maa päält kaonu olle.
Asõmõlõ Androopov astõ,
peräkõrra Breezhnev oll.
Breezhnev uhkust uudismaaga,
kaie ka naid seto kar´amaid.
Ao' lätsi', tõõsõ' tulli',
Gorbatshov mi kotoh oll.
Oh sedä ehtsät esimiist,
meelelist Mihhaili!
Mihail ka ihas Inglismaad ja
kai sedä kaunist Kanadamaad.
Tätser tedä ka takast tõugas,
Margareeta andsõ nõu.
Välisriigi' Gorbatshovil
koti tävve kultuuri anni'.
Moskvah vallalõ tekk kotisuu -
kultuuri täüs sai Russia!
Vanamoelisõ' moskvalasõ'
olõki-is tuuga harinu:
Gorbatshovi kotost tõiva,
Mihhaili minemä aiva.
Russkii, neenets ni palaa -
meil om käeh no Eestimaa.
Oh sedä ilosat Eestimaad,
muudsat maamuna pääl!
Tuud õi mõista õnnõ mõtõlda ja
ar´a-ks tihka-ai arvada,
milli-ks naati tükeldämä
peo suurust Eestmaad:
Narvast anti: "Na, vazmiite!"
Petserimaa perätävvega!
S´oo süütä ülemuisil,
saatanaid näid sajatõlõ:
mille-ks panõ-õs õigõt piiri
õigiõ aol Eestimaal?
Eesti lipp sai Toompää torni -
piir pidi paika ka panõma!
Innine Eesti piir,
tuusama tulba juun.
Määne-ks riik om piirildä ja
määne leib om koorõlda?
Inne piir läts Irboskasta,
piiri- ka -joonõ' Petserestä -
mille vaja oll kontrolljuunt,
mahha panda' majanduspiir?
Eka-ks Staalin piiri panõ-õs,
kohal olõ-õs ka Gorbatshov -
piiri panni' uma' veneläse',
kohal olli' nuu' Kuksina mehe'.
Russkii-ks, neemets ni palaa,
on ta tsoorits kakarjaan.
Ao' õks lätsi', tõõsõ' tulli',
Petserimaa kaardilt kaonu olle:
üte' Võromaaga ühiti,
tõõsõ' Vinnemaalõ pühiti.
Oh sedä selget Setomaad,
perämäst maad riigi piiri pääl;